నీలామ్బరి – ఝంప
ఉయ్యాలలూగవయ్య శ్రీరామ
సయ్యాట పాటలను సత్సార్వభౌమ ||
కమలజాద్యఖిల సురలు నిను గొల్వ
విమలులైన మునీన్ద్రులు ధ్యానింప
కమనీయ భాగవతులు గుణ కీర్త
నమున నాలాపంబులు సేయగా ||
నారదాదులు మెరయుచు నుతియింప
సారముల బాగ వినుచు నిను నమ్ము
వారలను సదా బ్రోచుచు వేద
సార సభలను చూచుచు శ్రీరామ ||
నవ మోహనాంగులైన సుర సతులు
వివరముగ పాడగాను నా భాగ్యమా
నవరత్న మన్టపమున త్యాగరాజ
వినుతాకృతి బూనిన శ్రీరామ ||
Tyagaraja Keertana : Uyyalaloogavayya
శంకరవాణి 