అన్నమాచార్య కీర్తన : సతులాల చూడరే
రాగం: కాపి
తాళం: రూపక
పల్లవి:
సతులాల చూడరే శ్రావణబహుళాష్టమి
కతలాయ నడురేయి గలిగె శ్రీకృష్ణుడు
చరణాలు:
పుట్టేయపుడే చతుర్భుజాలు శంఖుచక్రాలు
యెట్టు ధరియించెనే యీ కృష్ణుడు
అట్టె కిరీటము నాభరణాలు ధరించి
యెట్ట నెదుట నున్నాడు యీ కృష్ణుడు
వచ్చి బ్రహ్మయు రుద్రుడు వాకిట నుతించగాను
యిచ్చగించి వినుచున్నాడీకృష్ణుడు
ముచ్చటాడీ దేవకితో ముంచి వసుదేవునితో
హెచ్చినమహిమలతో యీ కృష్ణుడు
కొద దీర మరి నందగోపునకు యశోదకు
ఇదిగో తా బిడ్డడాయె నీకృష్ణుడు
అదన శ్రీ వేంకటేశుడై యలమేల్మంగగూడి
యెదుటనే నిలుచున్నా డీకృష్ణుడు
శంకరవాణి 